តើស្ដ្រីខ្មែរគួរសិក្សាវិទ្យាសាស្ត្រកសិកម្ម និងរួមចំណែកអោយបានច្រើនក្នុងវិស័យនេះដែររឺទេ?
ក្នុងនាមជាស្ត្រីខ្មែរម្នាក់ ដែលបានកើតលើទឹកដីកសិកម្ម ដែលមានប្រជាជនជិត ៨០% រស់នៅជនបទ និងមានចំនួនស្ត្រីជាង ៥០% នៃចំនួនប្រជាជនសរុប តើអ្នកយល់ថា អ្នកគួរសិក្សាវិទ្យាសាស្ត្រកសិកម្ម និងរួមចំណែកអោយបានច្រើនក្នុងវិស័យនេះដែររឺទេ?
យោងតាមរបាយការណ៍ឆ្នាំ២០១១ របស់អង្គការចំនីអាហារ និងកសិកម្ម នៃអង្គការសហប្រជាជាតិដែលហៅកាត់ថា FAO បានអោយដឹងថា ប្រសិនបើស្ត្រីនៅតំបន់ជនបទមានលទ្ធភាពទទួលបានដីធ្លី បច្ចេកវិទ្យា សេវាកម្មហិរញ្ញវត្ថុ ការអប់រំ និងទីផ្សារដូចជាបុរស ផលិតផលកសិកម្មអាចនឹងកើនឡើង ហើយចំនួនអ្នកអត់ឃ្លានអាចថយចុះពី 100 ទៅ 150 លាននាក់។
យោងតាមគេហទំព័រលើកកំពស់ស្ត្រីក្នុងវិស័យកសិកម្មនៅអាហ្វ្រិក បានអោយដឹងដែរថា
-ការមានស្ត្រីមានស្នាដៃការងារល្អប្រសើរក្នុងវិស័យកសិកម្មនាំឱ្យមានកំណើនប្រាក់ចំណូលខ្ពស់ និងការសម្រេចចិត្តកាន់តែប្រសើរ ដែលផ្តល់ផលវិជ្ជមានចំពោះគ្រួសារក្នុងការចំណាយថវិការលើអាហារូបត្ថម្ភ សុខភាព និងការអប់រំរបស់កុមារ។
-ការមានស្ត្រីកាន់តែច្រើនក្នុងការស្រាវជ្រាវកសិកម្មបញ្ជាក់អោយឃើញនូវធនធានមនុស្សដ៏សំខាន់ដែលជាតំណាងឱ្យកសិករភាគច្រើនដែលជាស្រ្តី។
តាមរយៈរបាយការណ៍ឆ្នាំ២០១៦ ដែលធ្វើឡើងដោយអគ្គនាយកដ្ឋានកសិកម្មរបស់ប្រទេសកម្ពុជា បានអោយដឹងថា ក្នុងឆ្នាំ២០១៦ អគ្គនាយកដ្ឋានកសិកម្មមានក្របខណ្ឌមន្ត្រីរាជការសរុបចំនួន ៥៦៨នាក់ ដែលក្នុងនោះស្ត្រីមានចំនួន ១៥៣នាក់ ស្មើនឹង ២៧%នៃចំនួនមន្ត្រីសរុប។នេះបង្ហាញអោយឃើញនូវកង្វះខាតស្ត្រីក្នុងការរួមចំណែកអភិវឌ្ឍវិស័យកសិកម្មក្នុងប្រទេសកម្ពុជា។ ប្រទេសជាតិយើងពិតជាត្រូវការកម្លាំងស្ត្រី ដែលជាកម្លាំងចលករមួយដ៏សំខាន់ក្នុងការជំរុញអភិវឌ្ឃកសិកម្ម និងលើកកំពស់សេដ្ឋកិច្ចជាតិ។
សូមចូលរួមកែលំអរនូវចំណុចខ្វះខាត
