ហេតុអ្វីត្រូវបង្កើតឪឡឹកតេត្រាប្លូអ៊ីត?
ក្នុងធម្មជាតិ ឪឡឹកមានគ្រាប់ ដែលយើងញ៉ាំ គឺជាឪឡឹកឌីប្លូអ៊ីត ដែលមាន 2 sets ក្រូម៉ូសូម។ ឪឡឹកអត់គ្រាប់ (seedless watermelon) គឺជាផ្លែរបស់ឪឡឹកទ្រីប្លូអ៊ីត (triploid watermelon) ដែលបានមកពីការបង្កាត់ឪឡឹកឌីប្លូអ៊ីត (diploid watermelon) ជាមួយឪឡឹកតេត្រាប្លូអ៊ីត (tetraploid watermelon) ដោយយកគ្រាប់លំអងឪឡឹកឌីប្លូអ៊ីតអោយធ្វើដំណើរលំអងជាមួយ ផ្កាញីនៃឪឡឹកតេត្រាប្លូអ៊ីត។ ដូច្នេះ ដើម្បីបង្កើតឪឡឹកអត់គ្រាប់បាន អ្នកបង្កាត់ពូជឪឡឹកត្រូវតែ បង្កើតឪឡឹកតេត្រាប្លូអ៊ីតជាមុនសិន។
តើឪឡឹកតេត្រាប្លូអ៊ីតត្រូវបានបង្កើតឡើងដោយរបៀបណា?
ដើម្បីបង្កើតឪឡឹកតេត្រាប្លូអ៊ីត ដែលមាន 4 sets ក្រូម៉ូសូមបាន អ្នកវិទ្យាសាស្ដ្រអាចប្រើ សារធាតុដែលយើងហៅថា កុលស៊ីស៊ីន “colchicine” (Kihara, 1951; Stoner and Johson) ដែលជាសារធាតុបង្អាក់ការធ្វើចំនែកមីតូស (antimitotic agents) ក្នុងកោសិកាធ្វើអោយក្រូម៉ូសូមនៅក្នុងកោសិកាឌីប្លូអ៊ីតកើនឡើងទ្វេដងក្លាយជាកោសិកាតេត្រាប្លូអ៊ីត។ ក្រៅពីវិធីសាស្ត្រនេះ អ្នកវិទ្យាសាស្ត្រអាចផលិតឪឡឹកតេត្រាប្លូអ៊ីតបានតាមរយៈការបណ្តុះជាលិកា (tissue culture)។ ដោយត្រួតពិនិត្យរកកូនឪឡឹកចេញពីជាលិកាវប្បកម្មដែលរងបំរែបំរួលសេនេទិចទៅលើចំនួនក្រូម៉ូសូម ដែលធ្វើអោយកោសិកាឌីប្លូអ៊ីតក្លាយជាកោសិកាតេត្រាប្លូអ៊ីត (Phat et al., 2017)។
ខាងក្រោមនេះជារូបភាពបង្ហាញអំពីការបង្កើតឪឡឹកតេត្រាប្លូអ៊ីតតាមរយៈជាលិកាវប្បកម្ម ដែលនាំទៅដល់ការបង្កើតឪឡឹកអត់គ្រាប់៖
